San Roke jaiak 2017

Aurtengo San Roke jaiak gainean ditugu. Abuztuaren 14an emango diegu hasiera festei eta hilaren 18ra arte jai giroa nagusituko da Debako kaleetan zehar. Urtero bezalaxe, txupinazo, danborrada, entzierro eta zezenketak, San Roke dantza, kontzertuak, erraldoi eta buruhandiak ... eta beste hainbat ekintza izango ditugu gurean.

2017ko San Roke jaien egitarau osoa ikusteko, egin klik hemen.

2017ko zezenen kartela

2016ko zezenketen kronikak

Zezenketetarako sarrerak eta ateen banaketa

ZEZENEN DESENKAJONAMENDUA

1948. urtetik San Roke jaietako zezenen desenkajonamendua Osioko ikuiluetan egin izan da, urte hartan hasi baitziren Nafarroatik zezenak kamioietan ekartzen. Osioko ikuiluetan ikusleentzako tokia mugatua denez eta gero eta jende gehiagok ikusi nahi duen ekimena izanik aurten, festa batzordeak zezenen desenkajonamendua zezen plazan egitea erabaki du.

Ekimena behar bezala gauzatzeko arau batzuk bete beharko ditugu, besteak beste, zezenei ez zaie inon eta inolaz, ez plazan, ez ibilibidean deitu behar. Ikusleok gainera, plazako megafoniatik ematen diren jarraibide guztiak bete beharko ditugu. Plazatik Osiora egingo den entzierriloa, noski, korrikalaririk gabe egingo da. Jendea hesien atzean jarri ahal izango da eta ezer gerta ez dadin isiltasun osoa gorde beharko da.

Desenkajonamendua abuztuaren 13an, arratsaldeko 8:30ean egingo da, Lersundi kaleko entzierroko atean zezenen kamioia jarri eta gero. Lehenik, lau mantso aterako dira plazara, tokia ezagutu ondoren kamioko kaxen ateak zabalduko dira eta zortzi zezenak banan-banan irtengo dira kamioitik plazara.

Desenkajonamendua bukatu bezain azkar, kamioia kaletik kendu eta entzierroko ibilbidea itxiko da. Ondoren, udaltzainek eta laguntzaileek ibilbide osoa hustuko dute.

Zezenak eta lau mantso plazatik aterako direla iragarzeko txaplero bat botako da. Badaezpada, hauen atzetik beste bi mantso aterako dira plazatik Osiora. Zezenak Osioko ikuiluan behar bezala kokatu ondoren, bi txaplero botako dira ekitaldia bukatu dela adierazteko. Ordura arte ezingo da entziorroko ibilidera sartu.

ENTZIERROETARAKO ARAUAK

• Entzierroak arrisku handiak ditu korrikalarientzat
• Segurtasun neurriak zorrotz bete behar dira eta zorrotz betearaziko dira
• Behar ez bezala korritzeak arrikusian jartzen du zure segurtasuna eta gainontzekoena.
• Beste batzuren artean, erabat galarazita dago:

• Mozkortuta edo drogen eraginpean saltaka egitea
• Saltaka egiteko arropa eta oinetako desegokiak edukitzea eta traba egin dezaketen bizkar zorro edo bestelakoak eramatea
• Abelburuei deitzea, errekorteak egitea edo haien arrta erakartzea

• Ez bota ezer abelburuen bidera
• Jausten bazara, ez zaitez jaiki buru guztiak pasa arte
• Saltaka egiekotan errespeta itzazu arau hauek
• Eta gozatu festak