"Antroan Intro" - XXXIV. Antzerki Astea

Orratx Antzerki Taldea (Lezo)
  • Noiz 2021/05/22 20:30-22:00 (Etc/GMT-2 / UTC200)
  • Non Aldats pilotalekua
  • Kontaktu izena Goaz Antzerki Taldea
  • Parte hartzaileak Orratx Antzerki Taldea (Lezo)
  • Hitzordua egutegira gehitu iCal

Sinopsia

Jakin badakigu ez gaudela betiko, eta mundua bera ere ez; izan ere, guztia, noizbait, betiko desagertu egingo da, baina une hori ez dakigu norbaitek ikusi ahal izango duen. Izaki mikroskopiko bat gai izan da, mundu osoa kaiola batean sartzeko. Eta hortxe gaude, beldurtuta, nazkatuta, akituta... noiz aterako zain.

Baina gizakiok aspaldi ikasi dugu gure gorputzaren mugetatik at hegan egiten, eta horretan gero eta iaioagoak izan gaitezen, ikasteko, garatzeko, lantzeko eta abar, guneak sortu ditugu, gure irudimena aske senti dadin, benetako arnas-gune bilakatuz.

Horietako azken arnas-gunea da "Antro" taberna, hiriko zulorik ilunena, txokorik galduena. Gure hirian geratzen den azken "plaza" irekia... eta gaur ere, gauero bezala, zure zain dago, ANTROAN INTRO egiteko, sartu, sortu, azaldu, aurkeztu, erotu... nahi duzuena egiteko aukera izango duzue.

Tamalez, gure azken gotorlekuak gaur du, nonbait, bere azken eguna. Zer gertatuko da? Nora joango gara? Zer egingo dugu?... Zer egin eztarriak isilduta, gure besoak, hankak... gorputzak ezin mugiturik, hitzak paperean idatzi gabe... Zer egin?

Sarrerak

Emanaldia hasi baino ordu erdi lehenago jarriko dira salgai pilotalekuan bertan.

Prezioa: 5€