BEGIRADAKen zazpigarren edizioa egingo da aurten. Diziplina desberdinetako herriko hainbat sortzaile (irudigile, testugile, dantzari, antzezle, musikari...) bildu, lanean jarri eta emaitza plazan erakutsiko da, ohikoa denez.
Herritarrei jakinarazi nahi zaie, udaleko langileek euren grebarako eskubidea egikarituz gero, zerbitzuetan eragina izan dezakeela greba deialdiak.
Urtarrilaren 29an batzartu zen Debako udalbatza ohiko osoko bilkuran. Deba Musikal Patronatuan musika prestakuntza duten ordezkariak aho batez hautatu ziren.
Iñigo Lopez Simon historialari bilbotarrak irabazi du 2020ko Tene Mujika beka, Bilbon, XX. mendearen erdialdean gertatu zen txabolismoa aztertuko duen proiektu batekin.
Fitur turismo azokara egindako bisita baliatuz (Geoparkeko arduradun eta berau osatzen duten herrietako alkate eta turismo arduradunekin batera egindakoa), bilera eskatu zuen Debako alkateak Espainiako Gobernuko Trantsizio Ekologikorako eta Erronka Demografikorako Ministerioan. Debako itsasaldeari eragiten dioten eta Ministerioaren eskumenekoak diren hainbat gairen inguruan hitz egin zuten.
Debako Udalak Merkataritza Berrindartzeko Udal Plan Berezia martxan jarriko du. Eusko Jaurlaritzako Turismo, Merkataritza eta Kontsumo Sailak bultzaturiko plana da, Debalai merkatari elkartearen parte-hartze aktiboa izango duena. Gilen Garcia alkateak, Nerea Arrizabalaga zinegotziak, Aurora Amadok Debalairen izenean eta Gorka Goikoetxeak Ikertalde aholkularitzaren izenean agerraldia egin dute.
Euskararen erabilera sustatzea du helburu talde sortu berriak. Honen erabilerarekiko duten kezkak eraman ditu elkartzera. Martxoaren 5ean egingo dute lehen ekimena: Batu sutondora kafe tertulia.
Otsaileko ohiko osoko bilkura egin du Debako udalbatzak hilaren 27an. Martxoaren 8an ospatzen den Emakumeen Nazioarteko Egunari lotutako adierazpen instituzionala onartu da aho batez. “Berdintasuna gizarte osoaren mezu bakar gisa aldarrikatzeko garaia” dela baieztatuz.
UEMAk udalerri euskaldunetako gazteentzako topaketak antolatu ditu. Ekainaren 29tik uztailaren 5era egingo dira. Aurten, Zumaiatik Lekeitiora joango dira gazteak eta Debatik pasako dira, Itziarren etenaldia eginez. Lehengo etapa Itziarren amaitu (ekainaren 29an) eta bigarrena bertatik abiatuko da (ekainaren 30ean).
Apirilaren 5ean Eusko Legebiltzarrerako egingo diren hauteskundeetan, orain arte udaletxeko eraikinean kokatuta egon diren bi mahaiak (Bake Epaitegian eta Udaletxeko harreran) irisgarritasun arrazoiengatik Eguneko zentroko eraikinera aldatuko dira. Lekua zabalagoa da eta irisgarritasuna errazten du.
Frankismo garaira arteko historia eta testigantzak, neurri batean bederen, jaso diren arren, ez da lana amaitutzat jotzen. 2020-2022 aldian beste ikerketa-proiektu bat garatzea adostu da eta datozen urteetarako lan ildoa edo arreta, bereziki, hezkuntza sisteman jarriko da. Herritarrei, izan dezaketen informazioa martxoa amaierarako helarazteko eskaera egin nahi die udalak.
Debako udalak gaiaren jarraipena egiteko batzordea sortu du eta aldakorra denez egoera, une bakoitzak eskatzen duen neurriak hartu eta jakinaraziko ditu.
Dendak, tabernak... ixteko gomendioa egin du eta herritarrei eskatu ahal den neurrian ez daitezela etxetik irten. Kirol eta kultura emanaldiak etenda daude eta udal-eraikinak itxita. Atzo arratsaldean jolas-parkeak ere itxi ziren birusaren hedapena gutxitzeko prebentzio neurri gisa.
Koronabirusaren epidemiaren ondorioz arreta antolatzeko aldaketak egin behar direnez, bihartik aurrera Itziarko Kontsultategia itxita egongo da, besterik jakinarazi arte. Bestelako aldaketak ere izango dira ezarrita dagoen alarma egoeragatik. Honek iraun bitartean, epe administratiboak eten egin dira.
Debarrak prestutasun handia erakusten ari dira auzokoak zaintzeko unean. Elkar laguntzeko beharra dago larrialdi egoera honetan. Egun bakarrean 60 pertsonek baino gehiagoeman dute izena Deba-Itziarko zaintza sare komunitarioan boluntario bezala aritzeko.
Martxoaren 21az geroztik, eta covid-19 birusaren hedapena murrizteko neurri bezala, kale garbiketa indartu egin da Debako udalerrian, eta desinfekzio lanak egiten ari dira. Udal brigadako langile batek (txandaka) egin ditu desinfekzio-lanak egunotan, lehentasunezko lekuetan: barandak, igogailuak... Une honetan, baina, udal-brigadako langile guztiak ari dira desinfekzio-lanak egiten, udalerri osoan.
COVID19 birusak sortu duen egoera dela eta, Debako udalak, herritarrek ahalik eta kalterik txikiena jasan dezaten, zergen kobraketak malgutu egingo ditu, epeak luzatzen eta erraztasunak eskaintzen. Herritarrei bezala, ostalariei ere lagunduko zaie.
Osasun alarma egoera arlo guztietan izaten ari da eragina. Hondakinen bilketan ere, aldaketak egin behar izan ditu Debabarreneko Mankomunitateak.
Debako KZguneak, koronabirusak eragindako egoeraren ondorioz egoitza itxita duen bitartean, telefonoz eta posta elektronikoz laguntza eskaintzen du zalantza teknologikoak argitzeko. Hainbat arlotan ari dira lanean, eta hau, herritarrei helarazi nahi dizueten mezua:
Asteroko maiztasunarekin buletin digitala argitaratzen hasiko da Debako udala. Udal gobernuaren jardunaren oinarri garrantzitsuak dira herritarrekiko komunikazioa eta gardentasuna. Horregatik handituko du herritarrekiko informazio jarioa. Aste honetatik aurrera, beraz, ostiralero udal buletina bidaliko die emailez horrela eskatzen duten herritarrei.
