Debako Gaztelekuak ekintza programa zabalarekin hasi du urtea

2025ko urtarrilaren 10a

Egitarauak sukaldaritzako tailerrak, "Gaztekirol" bezalako kirol jarduerak, futbol- eta dardo-txapelketak, filmen proiekzioak, karaokea, Laser Tag-a eta mural kolektibo bat sortzeko sormen jardunaldiak biltzen ditu. Ohiko ordutegia asteartetik ostegunera 17:00etatik 19:00etara da, eta ostiraletik igandera 17:00etatik 20:30era.

Gaztelekuak urtea hasteko egitarau zabala prestatu du, Debako gazteek giro dinamiko eta hurbilean gozatu, ikasi eta ondo pasa dezaten diseinatutako jarduerekin.

Hilabete osoan zehar, aukera askotariko jarduerak eskainiko dira gustu guztientzat: astearteetan kirolari eskainitako “Gaztekirol” saioak izango dira, asteazkenetan sormenari bidea emango zaio “Eraikuntza” tailerrekin, eta ostegunetan sukaldaritza tailerrak izango dira; horietan, astero errezeta desberdinak prestatuko dira.

Horrez gain, egutegiak jarduera bereziak ere jasotzen ditu, hala nola karaoke saio bat, pelikula emanaldi bat eta Laser Tag jarduera. Jolas eta lehiaketa zaleentzat, futbolin eta dardo txapelketak ere egingo dira. Era berean, mural kolektibo baten sorkuntzari eskainitako jardunaldiak antolatuko dira.

Ordutegia

Gaztelekua astearte, asteazken eta ostegunetan 17:00etatik 19:00etara egongo da zabalik, eta ostiral, larunbat eta igandetan 17:00etatik 20:30era.

Jarduera nabarmenak:

• • Sukaldaritza tailerrak: Ostegunetan: urtarrilak 9, 16, 23 eta 30.

  • Kirol jarduerak (Gaztekirol): Urtarrilaren 7, 14, 21 eta 28an.

  • Mural bat sortzea (urtarrilak 15, 25 eta 31)

  • Lehiaketak: Futbol txapelketa: urtarrilak 24; Dardo txapelketa: otsailak 1.

  • Beste jarduera batzuk: Bingo (urtarrilak 2), Karaoke (urtarrilak 11), Laser Tag (urtarrilak 19), eta pelikula emanaldia (urtarrilak 17).

Informazio gehiagorako deitu 943 192 762 telefonora edo idatzi debakogaztelekua2@gmail.com helbidera.