Erabateko gaitzespena, salatutako azken eraso sexistaren aurrean

2024ko abuztuaren 13a

Debak ezetz esan du, argi eta ozen, herenegun Santiago hondartzan emakume gazte baten aurka izandako eraso sexistaren aurrean. Badirudi, gainera, eraso honi beste hainbat gehitu zaizkiola azken orduetan, gizon berak egindakoak. Eraso ankerrak guztiak, Debako herriak guztiz gaitzetsi eta salatu nahi izan dituenak. Horren harira, halaber, bere babesa eta elkartasuna azaldu die Debako Udalak emakume horiei guztiei zein horien inguruneari.

Era berean, udal ordezkariek guztiz arbuiatu dute gertakaria eta horrelakoak berriz ere gerta ez daitezen lanean jarraitzeko konpromisoa berretsi dute: “Deba berdinzalea nahi dugu, emakumeak aske sentitzen diren herria nahi dugu; Debak ez ditu onartzen ezta onartu inolako eraso sexistarik eta ozen diogu erasotzaileek ez dutela tokirik gure herrian eta irmotasunez erantzungo diegula beti eraso sexistei.