Gaztelekuak Lilatoiaren aurtengo edizioan parte hartzera gonbidatu ditu Debako emakumeak

2025ko urtarrilaren 16a

Lilatoia datorren otsailaren 23an izango da, Donostian, eta parte hartu nahi duten Debako emakumeek izena eman dezakete debakogaztelekua2@gmail.com helbidera posta elektroniko bat bidaliz.

Debako Gaztelekua, otsailaren 23an Donostian egingo den 2025eko Lilatoian parte hartzeko herriko emakume talde bat osatzen ari da. Kirol lasterketa honek helburu du emakumeen ahalduntzea eta kirola sustatzea eta aukera bikaina da harremanak sendotzeko eta emakumeen parte-hartzea bultzatzeko. Aurreko urtean, parte-hartze oparoa izan genuen; 119 emakume debarrak apuntatu ziren gurekin, eta bigarren talde handienaren saria lortu genuen.

Hala, Lilatoian parte hartu nahi duten debar emakumeek izena eman dezakete debakogaztelekua2@gmail.com. helbidera idatziz. Izena emateko epea urtarrilaren 23an amaituko da.

Anima zaitez eta parte hartu!