XI. Herri Krosaren edizioa ospatuko da igandean, urtarrilak 19

2025ko urtarrilaren 15a

Lasterketa 11:30ean, Aldats Pilotalekutik abiatuko da eta interesdunek aldez aurretik eman behar dute izena, www.herrikrosa.eus webgunean edo lasterketa egunean bertan, pilotalekuan bertan.

Datorren igandean, urtarrilaren 19an, 11:30ean, Debako XI. Herri Krosa ospatuko da, Xtreme Kirol Taldeak antolatuta, Debako Udalaren laguntzarekin. Debarren artean tradizio bihurtu den kirol ekitaldi honek 10 kilometroko lasterketa herrikoia izango du. 

Irteera eta helmuga Aldats Pilotalekuan izango dira, eta kirola eta herri giroa uztartzen dituen ibilbide batez gozatu ahal izango da.

Izen-ematea

Aurrez izena eman daiteke herrikrosa.eus webgunean, 15 eurotan. Lasterketa egunean bertan izena emanez gero, prezioa 20 eurokoa izango da.