Deba eta Itziar arteko N-634 errepideko erreietako bat itxita egongo da maiatza bitarte

2025ko otsailaren 13a

Atzoko egunez, Gipuzkoako Foru Aldundiak kostaldeko errepideetako inzidentzien berri emateko duen Telegram kanalean esan bezala, Deba eta Itziar arteko N-634 errepidean, erreietako bat itxita egongo da maiatzaren amaierara arte, urtarrilean gertatutako lur-jauziaren harira, bertan egiten ari diren egonkortze lanak direla eta.

Edozein kasutan, lan horien edota kostaldeko errepideetan trafikoaren egoerari eta izan ditzaketen gorabeherei buruzko informazio eguneratua jaso nahi duena, esan bezala, Gipuzkoako Foru Aldundiak horretarako bereziki duen Telegram kanalera atxiki daiteke, ondorengo estekan: https://t.me/N634_Kosta

Kanal horri esker, bide-sareko mozketei, trafiko afekzioei edo lanei buruzko abisuak jaso daitezke, joan-etorriak errazteko eta zirkulazioko segurtasuna hobetzeko.