Debak ‘Aske surfeatu, aske sentitu, aske disfrutatu eta gustura jardun’ dokumentala aurkeztuko du, Emakumea* Surflari elkartearena

2023ko azaroaren 3a

Dokumentalaren aurkezpena azaroaren 11n izango da, 12:00etan, eta ondoren solasaldi bat egongo da proiektuko 5 kiderekin.

Debako Udalak Emakumea* Surflari kultur elkartearen ‘Aske surfeatu, aske sentitu, aske gozatu eta gustura jardun’ dokumentalaren aurkezpena iragarri du. Dokumental honek Emakumea* Surfari proiektuaren inspirazio-istorioa aurkezten du. Izan ere,  proiektu hau kirolean emakumeen diskriminazioari aurre egiteko helburuarekin sortu zen, eta egun emakumeen* elkarte bihurtu da. Bertan, hainbat emakumek* kirolean emandako ahalduntze feministaren inguruko prozesuak partekatzen dituzte, hala nola, surf, bodyboard, SUP edo skate praktika kolektiboetan.

Dokumentalak Emakumea* Surfari elkartearen proposamen feminista erakusten du: "saltsan emakume* gehiago egotea nahi dugu, itsasoan eta plaza publikoan sartuta, parte hartuz, erraztuz eta beste emakume* batzuen beharrei erantzunez". Horrela, elkarteak adierazi duenez, "proiektu honek erakutsi nahi du gorputz praktika horien bidez, emakumeen* artean partekatzea, taldekatzea, gozatzea eta loturak sortzea funtsezkoa dela, hori dela hain zuzen aldaketan eragiteko gakoa".

Ekitaldiaren xehetasunak

Data:   2023ko azaroaren 11

Ordua: 12:00: Dokumentalaren aurkezpena

12: 30-13: 30: Solasaldia proiektuko 5 kiderekin

Lekua: Debako Kultur Elkartea

Debako Udalak herritarrak gonbidatu nahi ditu proiekzio berezi honetara eta ondorengo solasaldira, Emakumea* Surfari elkartearen lan inspiratzailea eta emakumeen* ahalduntzeari egiten dion ekarpena gehiago ezagutzeko, kirolaren eremuan eta haratago.