Tokiko Energia Komunitatea sortzeari buruzko Itziarko saioa azaroaren 20an izango da

2023ko azaroaren 17a

• Saioan informazioa emango da energiaren inguruko hainbat gaien inguruan, energia komunitatea abian jartzeko prozesuari buruz eta energiaz auto-hornitzeko egon daitezken aukera ezberdinei buruz • Azaroaren 27an sortutako edo sortzeko prozesuan dauden bi energia-komunitateak aurkeztuko dira Debako Pleno Aretoan

Debako Udalak Itziarko informazio saioaren data berria iragarri du: azaroaren 20an izango dira, Burugorrin, herritarrei Tokiko Energia Komunitatea sortzeko prozesua aurkezteko helburuarekin.

Informazio-saioetan, herritarrei Tokiko Energia Komunitatea abian jartzeko prozesuari buruzko informazio zehatza emango zaie, besteak beste, erabiliko diren energia motak, energia-iturri berriztagarrien sustapena, egungo energiarekiko harremana eta lotutako kostuak.

Gainera, Deban eta Itziarren egon daitezkeen energia-autohornikuntzarako aukerak eztabaidatuko dira, eta parte-hartzaileei gure udalerrian energia-hornidura jasangarriagoa eta eraginkorragoa bermatzeko dauden aukeren ikuspegi osoa emango zaie.

Energia-komunitateen abantailak modu praktikoan irudikatzeko, bi kasu praktiko aurkeztuko dira informazio-saioetan. Adibide horiei esker, bertaratutakoek ulertuko dute ekimen horiek eragin positiboa izan dezaketela eguneroko bizitzan, eta etorkizun energetiko arduratsuagoa eraikitzen lagunduko dutela.

Bi komunitate energetikoen 

Bi informazio-saio horiek egin ondoren, Deban eta Itziarren, Debako Udalak sortutako edo sortzeko prozesuan dauden bi energia-komunitateak aurkeztuko ditu. Aurkezpena azaroaren 27an izango da, astelehenean, 19:00etan, Pleno Aretoan.