Xake festa ospatuko du Debak abenduaren 23an

2024ko abenduaren 9a

Jardunaldia 16 urtetik beherako gazteei zuzenduta dago, eta parte hartzeko aldez aurretik izena eman behar da, Turismo Bulegoan edo Udalaren webgunearen bitartez, abenduaren 19ra bitarte.

Datorren abenduaren 23an Xake festa ospatuko da Deban. Jardunaldi hau 16 urte edo gutxiagoko gazteei zuzendutako txapelketa da eta helburu du, Gabonetako jai-egunen harira, gazte zein nerabeei aisialdi aukera desberdina eskaintzea. 

Txapelketa suitzar formatuan jokatuko da, 6 txanda izango ditu eta partidak 10 minutukoak izango dira. Helburua lehiaketa dibertigarria eskaintzea da, gazteek, hasiberriek eta esperientzia handiagoko jokalariek xakeaz gozatzen duten bitartean beren trebetasunak erakusteko aukera izan dezaten.

Xake festa Ispiluen gelan egingo da, arratsaldeko 17:00etan eta plazak mugatuak direnez, ezinbestekoa da aurerz izena ematea. Hala, interesdunek abenduaren 19a bitarte apuntatu ahal izango dute Turismo Bulegoan, edo online, esteka honetan edo karteleko QRan.

Informazio gehiagorako, bisita ezazu Debako Udalaren webgunea.