Gaztelekua

Debako Gaztelekua 2003.urtetik herriak duen baliabideetako bat da, Udaleko Gazteria eta Kirolak Sailetik bideratu eta Zehar Heziketa eta Programak elkarteak kudeatzen duena. Erakundearen helburu nagusia da nerabezaroan dauden 12-17 urte bitarteko gaztetxoei aisialdi eraikitzaile bat garatzen lagundu eta beraien prozesu pertsonal eta sozialei elementu aberasgarriak gaineratzea.

Informazio orokorra

Helburuak

Instalakuntzak

300m2 dituen lokalak honako instalakuntzak ditu:

Ikasgela: institutuko lanak egiteko lekua.
Dantza gela: areto handi eta balioanitza. Besteak beste, asteburuetan pelikulak ikusteko.
Ekintzen espazioa: ping-pong, futbolina, mini-futbolean… aritzeko.
Egongela: mahai jolasak, eskulanak, sofak, billarra, labea, mikrohuina…

Egongela

Dantza gela

Ikasgela

Ekintzen espazioa

Hezitzaileak:

Bertan lau hezitzailek egiten dugu lana. Urteak daramatzagu proiektu honetan eta gazte asko eta lagun talde asko ezagutu ditugu. Aldaketa handiko garaiak dira zuen seme-alaba eta familientzat. Haur bat izatetik heldu izaterako trantsizio honetan eragin nahi dugu guk ere. Aisialdiaren garrantzian sinesten dugu, berdinen arteko harreman eraikitze osasuntsuan.

Gaztelekuko ekintza bereziak:

Eskolako oporren garaian, gabonak, inauteriak, aste santua eta uztailean irteerak egiteko aprobetxatu ohi dugu. Elkarrekin autonomia maila eta ardura maila ezberdinetako proiektuak garatuz.