HAB - Historiaurreko bailara

Historiaurreko gure bailara ezatutu nahi?

Ez da hainbeste denbora mundua guztiz desberdina zela. Gure arbasoak klima hotzean bizi ziren, kobazuloetan eta kanpamentuetan, ehiza zen haien bizimodu nagusia. Mundu basati eta arriskutsua zen, lehoi, hartz, bisonte, errinozero, mamut eta abarren artean bizi ziren.

Historiaurreko museoa aire zabalean

HAB unibertso liluragarri eta desagertu hura ezagutzeko gonbidapena da. Aire zabaleko museo honetan 50 erreplika eta informazio-euskarri baino gehiago aurkituko dituzu.

Ibilbidea erabat seinaleztatuta eta interpretatuta dago norberak bere kasa egin ahal izateko, baina gida espezializatuen eskutik ezagutu nahi baduzu, bisita gidatuak ere antolatzen ditugu.

Ibilbidearen foiletoa eta bideoa.

IBILBIDEA

  • 1h 30 min
  • 3,5 km
  • Hasiera puntua: Debako portua

1 HASIERA

    Bailararen ezaugarriak, aztarnategiak, klima eta itsas mailaren aldaketa.

2 GIZAKIA ETA ITSASOA

    Kostaldea 10-15 bat km-ra zegoen, estepa-lautada handia zeharkatu behar zen itsasora iristeko.

3 GIZAKIA ETA ESTUARIOA

    Nola arrantzatzen zuten, desagertutako espezieak eta artearen mundua.

4 BIZITZA NOMADA

    Gure arbasoak gainontzeko giza-taldeekin partekatzen zuten bai espazioa eta bai kultura.

5 BAILARA

    Paisajea, erreminten bilakaera eta fauna.

Berme zientifikoa

Ibilbidea diseinatu eta egiteko orduan ezinbestekoa izan da zorroztasun zientifiko handienarekin egitea. Horretarako, Joxean Mugika (UPV-EHU) eta Xabier Peñalver (Aranzadi) arkeologoek, Asier Gómez (UPV-EHU) paleontologoak eta Asier Hilario (Geoparkea) geologoak parte hartu dute.